Sinterklaas in de Pieltsjerke?
De Piten kamen sûnder Sinteklaas oan op de kade… Se koene Sint net fine! Doe’t se op de kade stiene hearden wy allegearre de ‘needklokken’ fan de tsjerke en seagen ek dúdlik de flagge op ‘e toer. Elkenien dêr hinne fansels. Concordia koe ús krekt byhâlde… Doe’t wy by it stek stiene kaam Sint de tsjerkedoar út yn syn nachtklean en mei in sliepmûtse op! Hy wie de ofrûne nacht yn de Gaastmar west en wie sa wurch dat hy in sliepplak socht hie yn de Pieltsjerke! Doe’t hy wekker waard seach hy ta syn skrik hoe let oft it al wie en hat hy de needklok let. Dat holp! Op de kade hearden wy de klok en wy fansels gau nei de Pieltsjerke! Sinteklaas kaam krekt nei bûten en koe syn ferhaal dwaan. Sint hat himsels doe wer efkes kreas oanklaaid en koe mei ús nei it doarpshús om syn jierdeifeest te fieren!
